الرجل في مصر اعتاد الكذب منذ الصغر ( يكذب علي امه عشان يهرب من العقاب )في بداية علاقته بأي فتاة ( يكذب ويبالغ في مشاعرة علشان يقربها منه )إذا وقع في فتاة مش مناسبة ( يكذب علشان يخلع )
وإليكم أشهر 50 كذبة
1- بصراحة انت تستاهلي واحد أحسن مني
2- المشكلة عندي مش عندك ...... أنا مش حابب فكرة الجواز
3- أهلي ضاغطين عليا علشات أتجوز بنت عمي أو بنت خالتي أو حتي بنت الجيران
تخيلي في ولاد أهاليهم بيجوزوهم غصب عنهم لبنات غير اللي بيحبوها مع أن فيش بنت دلوقتي بتتجوز غصب عنها
4- خلينا أصحاب احسن ..... لما يقولك كده قولي له وأنت ماشية وسيباه إن الصداقة ممكن تتقلب حب لكن الحب عمره ما يرجع صداقة وقولي له أن مفيش بنت عندها كرامة تقبل كلامك
5- علاقتنا مفيهاش كيميا ........ قولي له لسه سمحت بعلاقة مفيهاش كيميا تبدي اصلا
6- أنا مش قادر احبك زي ما أنت بتحبيني قوي كدة
7- أنا حظلمك لو قعدتك جنبي أنا قدامي وقت كبير أكون فيه نفسي
8- أنا هاقفل دلوقتي علشان داخل علي لجنة
9- معلش أصل الشحن فصل
10- كنت قافل الموبيل علشان كنت في meeting
11- ماردتش اصلي كنت عند المدير
12- مردتش كنت سايق
13- أنا في الطريق بس الكوبري واقف
14- كنت في حته مفيهاش شبكة
15- كلمتك أمبارح بس موبيلك كان مقفول
16- الولد الي يتصل بيكي ويقولك مساء الخير لو سمحت أنا لقيت ميسد من الرقم ده
17- مابتصلش علشان معييش رصيد - وقفين الخدمة علشان الفاتورة
18- قافل موبيلك ليه كنت في عزا !!!! عزا مين ؟ أبوا واحد صحبي متعرفيهوش
19- ولما يحب يقفل معاكي فجأة لو هربان منك وكلمتيه من نمرة غريبة ورد عليكي يقول ......... لو الشحن فصل حكلمك تاني ...تيت تيت تيت وطبعا لا الشحن وقع ولا حيكلمك تاني
20- عقلك أكتر حاجة عجباني فيكي ..... غالبا يقولها لـ " بنت بنضارة "
21- يا حبيبتي أعملي اللي أنت عايزاه
22- علي فكرة انت أكتر واحدة فهميتني في حياتي ( طبعا معناها أنك أكتر واحدة عرف يسيطر عليها )
23- لسة جميلة زي أول يوم شفتك فيه
24- عمري ما هزعلك في حياتي
25- أنا مستعد أتجوز دلوقتي حالا .... أو قومي بينا نتجوز دلوقتي وقتي ( ملحوظة : عندما يعرض يعرض علي واحدة عرض مثل هذا يجب أن تتظاهر بالموافقة الجريئة ( يا لا بينا ) وقتها ستعرف عمق الكذبة
26- لما ببص في عنيكي ما بقدرش أكدب عليكي
27- عندك أجمل عنين في الدنيا ( يقولها مع كتير من التسبيل )
28- لعلمك الاختلاف اللي بينا هو اللي هيقربنا من بعض
29- حتي وانت عندك 80 سنة هتفضلي حلوة وهافضل أحبك
30- بينا حاجة حلوة مش عارف هيا ايه ؟ ( بيلمح )
31- معاكي بحس اني طفل جديد ..... ( يقولها علشان عارف إنه بيلعب )
32- ماعنديش مشكلة في فرق السن يعني ايه أكبر مني بسبع سنين
33- دي مجرد صديقة
34- تصدقي انا حتى مش فاكر أسمها ( طيب وعايز يفتكر اسمها ليه )
35- أهلي بيموتوا فيكي
36- ماما نفسها تشوفك
37- أنا مش بعمل حاجة لنفسي كله ليكي وللأولاد
38- ما أنا كنت هاقولك
39- الخروجة كلها رجالي
40- لولا الشغل كنت رحت معاكي عند حماتي
41- دي حتى حماتى وحشاني
42- نسيت المحفظة في البيت
43- كل العلاقات اللي قبل كدة عابرة وسريعة ومفيهاش حاجة مهمة
44- هاتأخر في الشغل شوية النهاردة
45- أنا ماشفتهاش من ساعة ما عرفتك
46- أنا ميت من التعب نشوف الموضوع ده بكرة
47- أزاي تشكي أن في حاجة بيني وبينها أصلا
48- عمري ماهاتضايق لإنك بتقبضي مرتب أكبر من مرتبي
49- عمري ماهاتضايق لأنك مشهورة أكتر مني
50- أنت اتجننتي ؟! أعرف واحدة غيرك ؟
أشارت دراسة نشرت مؤخرا إلى أن المرأة التي تعاني من الاكتئاب تسعى لممارسة الجنس أكثر من تلك التي تشعر بالسعادة، ويعود هذا الامر بحسب الدراسة إلى أنها ترغب في الحصول على الأمان أكثر.
